أشعارمحمد طاهر وجع

ذبلت أيامي في إنتظارك يائسآ نجم" حدا ببريقه ليل الشقاء أشكوك للأطلال والليل الطويل مسهدآ كذبآ أمني النفس ساعات اللقاء من يا ترى سيجفف الدمع السخين ويشتري بقميص حزني ضحكة في عالم ألف البكاء ماذا أقول؟ مادمت وحدك قد ملكت فجاج قلبي دون إذن بالدخول مادمت أنت فجيعتي ومصيبتي وجميل أيامي وإن شكت الذبول .. في كل عيد ألبس الذاهي وأحرق كل أنواع البخور وأردد الشعر الذي علمت عنك برغم جهلي بالبحور وأعد أصنافآ من الوجبات سرآ ثم أطعمها الطيور فالعيد دونك دائمآ لحظاته مثل الشهور .. ويمر عيد بعد عيد بعد عيد ثم ذا عيد" يفوت وأظل دومآ في إنتظارك صابرآ لا أشتكيك لظى البيوت فالجرح أكبر من مجالات الصراخ لذا يلثمني السكوت والدمع قد يعمي عيوني إنما مادمت أنت بداخلي أنا لن أموت محمد الطاهر محمد فبراير 2010

كفن عينيك شوف الخلوق تتجارى محجوبة سمع هجع الوجع جواكي عشعش من سنين وفي قلبك الباكي أضجع يا دا الوجع أمرق كفاك جنة هواك ما بتشبهك لملم عضاك وشوف اليجر بوراكا أو يوم يندهك أنا والحنين وحبيبتي لمانا القدر وما أظن نعود من تاني لي داك المحك كملت فيك عشق الحروف والليله عاد عمرآ جديد ما ريحك ما فررحك أمرق كفاك جنة هواي ما بتشبهك .. محبوبتي ما ذي البنات ما أتوهطت دون تدري شوق لا أتدق بن عينيها سوق لا أتهد باله ولا أنشغل مجنونه محبوبتي وعسل بقعد رموش عينيها ضل أتونش الشوق في العيون تتلمس الشعر الغزل تسرق لساني وقت أشوف عينيها تترمش أمل .. بتونسه وفي جوفي جوه أتحسسه لون الصباح عبق المسا ترسم خرايط الكون عيون في قوامه سر الهندسه تأسر فؤادي وقت أقيف وأدخل جواها المدرسه وكأنو لا كان لا حصل أنا أصلي ما أتعلمت يوم غير إني أرجاك في الطريق وأحفظ مشيك وأقراك جمل محبوبه مجنونتي وعسل مجنونه محبوبتي وعسل زغراده في نص الفريق رياده مغشية عيون سجاده لي خالق الجمال عباده دون لحظة ملل تمشي ورشاقه الروح جمال تجري وأحصنه بالفلق من شر كل ما قد خلق منذ الأزل بت متسق صور ا...

جبلين وقوف عزه وصلابه بلا إنحنا والدنيا حر والناس تطارد في السراب والباقي راجيين المطر جبلين وقوف صدر الأرض لما أنكشف وإتجارو جواهو البشر والنيل وغابات النخيل والصحرا مقصوفة ضهر .. يا بت سلام الأرض عريانه وما عيب أحشاها حاضنه الإحترام تعبت رحيح الناس سنين وإتغطى طينه عليها نام الواطه نامت من تعب وأحلامه طالت ألف عام وإستحلمت طورية العبد الشقي في طينه بتداعب مسام وحملت أمل ناس من سنين داسنو من حرف الكلام كضاب أبو القال ليكي يوم الواطه حملت في الحرام .. يا بت سلام عمره الشرف ما كف يوم حالك يحاكي الإفتتان وما كان شغف قلبك يذوب وعينيكي تتدفق حنان ذي دمعتك وإبريق أبوي عرقي بيبل رحم الأرض تنبت أمان أو تستكين تغرق سنين تضحك علي حال الزمان .. يا بت قدر حيل المظنه يشيل عليك ميلي وفرح إتدفقي وكل ما حرق جوفك حرف أنفيهو عنك وأمرقي ورشي الفرح في كل باب وإياكي تبكي وتشفقي ولو يوم سهت عنك شمس أنسيها وأطلعي أشرقي .. يا واضحه ذي شمس الله في كبد السما ومصلوبه ما محجوبه إلا من الغبي يا آهله ما متساهله في شرف العرب والنوبه يا مفطومه بي حب النبي يا طاهره ما معيوبه غير بالطيبه وا...

عن حبي إنت براك رضيت طول المسافه الإحتمال ولامن فترت براكا جيت ما أظن في زول قال ليك تعال جايي بتفتش عن قليب نسيت ملامحو مع الضلال قلبآ حباك كل ما ملك وختاكا في الشعر إرتجال سواك حبيبو وجمملك وضماك لهفه وإنشغال عز المصايب زمملك من الهجير وقساوته كم والبرد والمطر الوبال في كل يوم يتأملك وينسج حروفو مع الخيال وجزاهو أيه؟ غير الخداع والظلم وطول الإحتيال وطعنتو في وضح النهار وديت شموسو على الزوال ودفنتو في النسيان سنين أدمنت عنو الإنشغال وعاوز ترججع للحنين؟ أنا كوني أرجعلك محال .. خليك بعيد في توب غرورك وعزتك ما الريده مولودة صدف ولو نازعت خاطرك ملامح ذاتي في وسط النجيع والناس علي صفآ في صف أو إني غاير في سعير لا أتهد حيلو ولا وقف إياك تغالبك دمعتك ما تجيب ضميرك لو هتف إياك تغالبك دمعتك ما تجيب ضميرك لو هتف وإياكا تبكي على الضياع يا مجمل أسباب الأسف .. أبعد وفوت طول ما خطاكا تقددرك وأوعاك تفكر يوم تجي أو ترتجي ومشواري أوع يفتترك ورغم إجتوايا وطول جفاك أنا كنت دايمآ بعذرك .. أنا بعذرك إنك مشيت من غير توادع ودون سلام أنا بعذرك مهما لقيت منك أسى ومهما يكون منك خصام أن...

من غير هواك أنا ما بموت لكني متمنيك معاي نشبك إيدينا علي بعض وأديكي من حني ودفاي داير وقت ينشز غناك أنا ليك أشد أوردتي ناي ولامن يخون عشقك زمن جرحك أضمدو بي وفاي .. والله لو كان بي إيدي أفرش دروب الكون زهور وما تخدشك نسمة صباح وأسقيكي من لبن الطيور ولو عاوزه روحي أسيبه ليك وأموت وبي ريدك فخور وأسمي نفسي شهيد هواك وأحجي بيك ناس القبور .. لا تبكي مني لا أشتكيك ولا يوم تخش بيننا الظنون ليك أفرش الروح متكأ وأسقيكي من موية العيون نفطر عشق نتعشى موسيقا وفنون نتغدى شوق ودمعة وفا أو ضحكه من قلبآ حنون .. د أنا كنت عاوز أبني ليك بين النجوم وسناها عش أنا كنت ناوي أهدي ليك القمرا وأبقالك شمس إخترت ليك دون الخلوق سكنآ يطل بابو الرمش وحلمت إيدي في إيديك في سكة الأفراح نمش .. الجنه كانت بين إيديك كل البوابات مشرعه والحور حداك وبغنو فيك وأريكة الريد متكا وثمار معزه بتشتهيك أنهار عسل وأنهار لبن وشلال عشق من قلبي ليك وأنا كنت في صهوة جوادي الأبيض السرج الحرير وبنادي من جواي عليك لك في الجنان ما تشتهي كل حاجه في مكانك تجيك عاهدتي قلبي على الوفا لو يبقى لقلبك شريك كنا بنساهر اللي...

مرقت تتمر شوقه من ريحة السفر طالت لهاة الحزن في إيده ونزف ما معنى كلمة أوكسجين لما الحبيبه شفاها تتنقع زفير يا مهتلك أفتح لنفاج وجعتك حين سكرته وأرجف لسانك من شقوق الطين تقيل خبي المناديل في البساط هذي البنيه حتسرقك روحك ولهث الزنجبيل عينك تضوق الدنيا ذي ريحة صدام تشهق تتكل حيلك أوزان الحروف تستقبلك أو تقبلك بعض المساجد بي دعاك تتغطي خوف ما أروعك أو ما رعاك ما رووعك حين نلت شوف هذي البنيه بتشبهك في لفحة المنديل ونكهة وجعتك حاول تدسها من مجارير الشفوت قبال تموت في إيده أنوار السدف قبال تقيد جيده أكوام الأسف شغفك شغف وإنتزاعك بي ضراعك ما وقف مادمت صلاي غير وكت لا تتبن الحب الخزف

غازلها قائلآ : حأبنيك للغلابه وطن عشان كل الخلوق تهواك ردت : قبل تبني الوطن للناس حاول أبنيهو في جواك وأعرف يعني أويه عزه وصحارى ونيل وقبل ما تحكي ليهو هواك لامس قمة التاكا وجاور عود تبلديه وراعي الخالق السواك حتلاقي الوطن وراك بأنك قبل ما تبنيهو هو اللي بناك وما تزعل ما إنت الحتبني وطن ما بتبنيهو بالضجه ولا بالجوطه والكوراك ما هو الوطن البنحلم بيهو ما بتبنيهو إنت براك بنحلم بي وطن أسمى وطن أغنى وطن شاسع وطن لا هو ساسه لا عسكر لا متبوع ولا تابع وطن أكبر من الواطه ويكون سقفو السما السابع وطن أكبر من الواطه ويكون سقفو السما السابع وطن أبرول وطوريه طباشيره وضحك شافع وشتله كمنجه كوريه نشوف أمونه بتراجع دروسه ومارقه عصريه وفي إيده كتاب تحس نفس الضحك طالع جواب لي أحمد المحبوب ها يا أحمد تعال راجع حبيبي انا من زمان قت ليك دار غير دارنا ما نافع رحيح الدنيا شن أداك تصحى تنوم على الشارع وإذا كان شوقي ما هاميك يكون حب الوطن دافع تعال راجع تعال راجع بنحلم بي وطن ذي دا وطن إنسان وطن فنان وطن من در وطن من ماس وطن بالفينا نبنيهو وطن بالحب وطن بالغيره والإخلاص وطن للناس وطن بال...

تسافر والجرح فيني؟ ولا هاميك تسيبني وراك؟ كنت أقلو ودعني أو وريني وين ألقاك ما في الآخر أنا حبيبك وأنا الزول الببكي جفاك وكيف حالي بيكون بعدك أريتك شلت روحي معاك * * * ما هسه إيدينا متشابكه بنغني وفرحانين أسقيك من وريد قلبي وأذووب قلبي ليكا حنين حلفت براك تصون عهدي وتفرش دربي بالياسمين شنو الخلاك بدون ميعاد تسافر؟ ياخ مسافر وين؟ * * * وصالك ذي سحابة صيف قبل نفرح تغيب بسراع تشيل أملي وتسيبني تفوت علي بعدك حزين ملتاع أنا لو كنت في مكانك كنت أقلو قلت وداع تعال وأوعاك تغيب تاني تعال عوضني عمري الضاع * * * تسافر والجرح فيني؟ ولا هاميك تسيبني وراك؟ كنت أقلو ودعني أو وريني وين ألقاك ما في الآخر أنا حبيبك وأنا الزول الببكي جفاك وكيف حالي بيكون بعدك أريتك شلت روحي معاك محمد الطاهر محمد يناير 2010

هنا كنا نغازل بالهوى قمر ونجم الليل سامرنا نغني في الحياة الحب نكتب في دفاترنا حروف تشتكي رسمآ ولا تحكي مشاعرنا وشعر في الهوى حائر وفي الأوزان كم حرنا فماذا صار دفترنا؟ وماذا في الهوى صرنا؟ ,,,,,,,,,,,, حيارى نصطلي همآ ونتباكى على الوعد سكارى قد نبت أرقآ ولا نقوى على البعد طيوفك قد تحدثك بأني في اللظى وحدي وطيفي قد شكا منك قضاء الليل في السهد وعدتك باللقاء هنا وما أمسكت بالعهد وعدتي بأن تحبيني فأحبتي النوى بعدي فلا أنا من عشقتيني ولا بك ما عنا سعدي ,,,,,,,,,,,,,,, هنا كنا سأخبر عنك أجيال بأنك هاهنا كنتي تناجيني أيا روحي وقد كنت كما قلتي عناقآ أكتب الأحرف إذا ما لذت بالصمت وأبذل في محبتك نفسي أو كما شئتي ,,,,,,,,,,,,,,,, هنا كنا أنا أضناني التسفار أما أنت قد خنتي لقد كنا عشيقان وقصص بعدنا تأتي أحباب تفرقنا فلا أنا آخر العشاق لا أنتي

عطشتك.... عصائر الحروف ، وإشتهيت أوسدك عضاي أو أسكنك مخارج الدموع رسمت ضحكتك معاي حلمت أسجنك جواي ثم تنطفي الشموع دخلت تستحم بالضحك من الكلام وشلت شنطتك مشيت ما بقوله ليك أبيت ولا بقول عليك أبيت ¤2¤ ودنقرت سحابة الدموع تلم رسائل السنين ويستحي المطر يلوث القصيده أو يسككت الشموع رجعت في خنوع أسب ثقالة الحزن وأنبذك غناي وإحتجاج حلم في غاية الوضاعه قبل لحظة الشروع ¤3¤ مرقت بي رشاقة الكلاب محطة القطار لمحت شنطتك جريت أوقفك وقف جوايا كل معنى إحتمال سوى سؤال.... منو البسكت البغني في جواي؟ منو البسكت البغني في جواي؟ منو البسكت البغني في جواي؟ مارد الحلم بيغني من سنين ويخفف الوجع للحظه حين أبادلو بي غناي ¤4¤ شوارع المدينه ناهضت حشائش الخريف بوابل الهجير وزحمة العيال وأدمنت مواسم الخراب حين كلابه ضاجعت كلاب وورثت وبال ¤5¤ وصفر القطار .... وقفت أمنعك تفوت لقيتني بين إيديك تمنع شفاهي من كلام وأغطي كلي صدرك البخاف عليهو من زكام وأحضنك ، أخوي وأقبلك ، معزه وإحترام وما مهم تهمهم الحثاله في البيوت وتحرق المدينه أو تموت ويصبح الفهم حرام ف كوني إنتميتك الوطن مدينه ...

.. بت متسق صور الطهاره النابعه من عف الضمير النادي طل بت من عسل خمر الكلام الساقيه إيده تدق هشاش بابي وأقيف الدنيا صيف والحاله كيف؟ باقي الأجور جبر الكسور فول الفطور حق الرغيف تدخل علي والشوف كفيف تصبحني ذي فجرآ أطل